Búgin Qazaqstannyń El birligi doktrınasy Úkimetke joldandy

áýirdiń 29-y. QazAqparat /Qanat Mámetqazyuly/ - Búgin Qazaqstannyń El birligi doktrınasy Úkimetke joldandy. Bul týraly elordada Qazaqstannyń El birligi doktrınasynyń qorytyndy nusqasynyń tusaýkeserine arnalǵan baspasóz máslıhatynda málim boldy,

dep habarlaıdy QazAqparat.

Doktrına jobasyn 2009 jylǵy qazannyń 26-synda Qazaqstan halqy Assambleıasynyń 15-shi sessııasynda Memleket basshysy N. Nazarbaev jalpyhalyqtyq talqylaýǵa usynǵan bolatyn. Jumys barysynda qoǵamdyq, saıası, úkimettik emes uıymdar men azamattar tarapynan 500-den astam usynystar, sondaı-aq jeke jobalar kelip tústi. Qujat qoǵamdyq komıssııanyń otyrysynda, Qazaqstan halqy Assambleıasynyń Keńesinde qarastyrylyp, Prezıdent tarapynan maquldandy.

«Búgin bul qujat QR Prezıdenti Ákimshiliginiń qoldaýyn alǵannan keıin Úkimetke joldanyp otyr», dedi jıyn barysynda Qazaqstan halqy Assambleıasy Tóraǵasynyń orynbasary, komıssııa tóraǵasy Eraly Toǵjanov .

Baspasóz máslıhatyna qatysýshylardyń aıtýynsha, Doktrına osy deńgeıdegi qujattardan talap etiletin standarttarǵa sáıkes keledi. Qujat jalpy erejeler men úsh bólimnen jáne qorytyndydan turady.

Doktrına negizinde Elbasy Joldaýynda jarııalanǵan halyqtyń eń basty qundylyǵy retinde Táýelsizdik ıdeıasy qalanǵan. Bul rette «...el damýynyń jańa kezeńinde, strategııalyq basymdyq retinde, qoǵamnyń barlyq azamattary moıyndaǵan ortaq qundylyqtar men qaǵıdattar júıesine negizdelgen Ult Birligine jetý bolyp tabylady», dep naqty kórsetilgen.