Búgin Qazaqstannyń birqatar óńirinde boran soǵyp, kóktaıǵaq bolady
ASTANA. QazAqparat - Búgin Qazaqstannyń basym bóligi antıtsıklonnyń yqpalynda bolady. Elimizdiń shyǵysy men ońtústik-shyǵysynda aýa raıy turaqsyz bolyp, jel kúsheıedi, jekelegen aýdandarda tuman basyp, kóktaıǵaq oryn alady.
Atap aıtqanda, Almaty oblysynyń, túnde Jambyl oblysynyń keı jerin tuman basyp, kóktaıǵaq bolatyndyǵy boljanýda. Al Mańǵystaý, Qyzylorda oblystarynyń keı jerinde jel jyldamdyǵy sekýndyna 15-20 metrge jetedi. Atyraý, Batys Qazaqstan oblystarynda tuman basyp, kúndiz Atyraý oblysynyń keı jerlerinde jel ekpini sekýndyna 15-20 metrge jetýi yqtımal. Qostanaı men Soltústik Qazaqstan oblystarynda túnde jáne tańerteń tuman boljanýda. Sonymen qatar Qostanaı oblysynda jaıaý borasyn soǵady. Shyǵys Qazaqstanda, túnde Qaraǵandy oblysynda sekýndyna 15-20 metrlik jel turyp, arty boranǵa aınalady. Túnde Almaty, Ońtústik Qazaqstan, Jambyl, Mańǵystaý jáne Qaraǵandy oblystarynyń keı jerlerinde kúshti aıaz bolady.
