Búgin Qazaqstannyń birqatar aımaqtarynda tuman, kóktaıǵaq bolady - Qazgıdromet
ASTANA. Qańtardyń 30-y. QazAqparat - «Qazgıdromettiń» boljaýynsha, búgin, qańtardyń 30-y kúni Qazaqstannyń kóptegen aımaqtarynda ońtústik-batystan keletin antıtsıklon áser etip, respýblıkanyń batys jáne soltústik aýmaqtary atmosferalyq aǵymdar beldeýinde bolady.
Máselen, Almaty jáne Jambyl oblystarynyń keı jerlerinde tuman bolady dep kútilýde. Qyzylorda, Qostanaı jáne Qaraǵandy oblystarynyń keı aýmaqtaryna tuman túsip, kóktaıǵaq bolady. Ońtústik Qazaqstan oblysynyń keı jerlerin tuman basady, shyǵystan 15-20 m/s jyldamdyqpen jel soǵady.
Soltústik Qazaqstan, Aqmola, Shyǵys Qazaqstan, túnde Pavlodar óńirlerinde burqasyndatyp, sekýndyna 15-22 metr jyldamdyqta jel turady.
Sondaı-aq, Batys Qazaqstan, Aqtóbe, Mańǵystaý jáne Atyraý oblystarynyń keı aýmaqtarynda tuman, kóktaıǵaq bolyp, jeldiń ekpini 15-20 m/s bolady dep boljanýda.
