Búgin Qazaqstannyń birqatar aımaǵynda úsik júredi
ASTANA. QazAqparat - Búgin, 26 qyrkúıek kúni ádettegideı elimizdiń basym bóliginde kún ashyq bolady. Tek batys pen ońtústik óńirlerdiń keıbir aımaqtarynda atmosferalyq frontaldy bólikterdiń ótýine oraı jańbyr jaýyp, jel kúsheıedi.
Túnde jáne tań ata keı jerlerde tuman túsedi. Soltústik pen shyǵysta jáne ortalyqta úsik júredi dep kútilýde.
«Qazgıdromet» RMK aqparattary boıynsha, Shyǵys Qazaqstan, oblysynda kúndiz birqatar aımaqtarda naızaǵaı oınap, jeldiń kúshi sekýndyna 15-20 metrge jetedi. Kúndiz jáne túnde tuman túsedi.
Pavlodar oblysynda túnde jáne kúndiz Aqmola, Mańǵystaý, Qostanaı, Soltústik Qazaqstan, Qaraǵandy oblystarynyń keı jerlerinde tuman túsedi.
Qyzylorda, Aqtóbe oblystarynda túnde jáne tań ata Jambyl, Ońtústik Qazaqstan oblystarynyń keı jerlerinde jeldiń kúshi údeı túsip, sekýndyna 15-20 metrge jetedi.
Aqmola, Pavlodar, Qaraǵandy, Shyǵys Qazaqstan, oblystarynyń birqatar aımaqtarynda 1-3 gradýs úsik júredi.
Ońtústik Qazaqstan oblysynda jáne Qaraǵandy, Jambyl, Almaty oblystarynyń basym bóliginde, sondaı-aq Atyraý, Aqtóbe, Shyǵys Qazaqstan oblystarynyń keı jerlerinde órt qaýipi saqtalady.
