Búgin Qazaqstannyń birqatar aımaǵynda kúshti jel turyp, kóktaıǵaq, tuman bolady - Qazgıdromet
ASTANA. Naýryzdyń 16-sy. QazAqparat - «Qazgıdromettiń» boljamyna sáıkes búgin, naýryzdyń 16-sy kúni Qazaqstannyń basym aýmaǵy atmosferalyq aǵymdar bólikteriniń yqpalynda bolady.
Máselen, Aqmola oblysynyń keı jerlerinde kóktaıǵaq, sekýndyna 15-20 metr jyldamdyqpen jel soǵady dep kútilýde.
Almaty oblysynyń keı aýmaqtaryna tuman túsedi, Jalańashkól mańaıynda 20-25 m/s jyldamdyqpen soqqan jeldiń ekpini kúndiz 30-ǵa deıin jetýi yqtımal.
Jambyl, Qyzylorda, kúndiz Mańǵystaý jáne Atyraý oblystarynda keı jerlerde 15-23 m/s-ta jel turyp, tuman bolady.
Soltústik Qazaqstan, Qostanaı jáne Pavlodar oblystarynyń keı óńirlerinde burqasyndatyp, sekýndyna 15-20 metr ekpinmen jel soǵady.
Ońtústik Qazaqstanda 17-22 m/s jyldamdyqpen soqqan jeldiń kúshi kúndiz taýly aýmaqtarda 28-ge deıin jetýi múmkin.
Aqtóbe oblysynyń jekelegen jerlerinde tuman, kóktaıǵaq bolady, kúndiz burqasyndatyp 15-20 m/s jyldamdyqpen jel kóteriledi.
Al Qaraǵandy oblysynyń keı aýmaqtaryn túnde tuman basady. Kúndiz sekýndyna 17-22 metr jyldamdyqpen jel soǵyp, kóktaıǵaq bolady dep boljanýda.
Shyǵys Qazaqstan oblysynda, sondaı-aq keı jerlerde 17-22 m/s ekpindi jel bolady, burqasyn jáne kóktaıǵaq kútilýde.
