Búgin Qazaqstannyń bes qalasynda aýa sapasy nasharlaıdy
NUR-SULTAN. QazAqparat – «Qazgıdromet» RMK 10 jeltoqsanda elimiz qalalarynda qalyptasatyn meteorologııalyq ahýal týraly málimet usyndy, dep habarlaıdy QazAqparat.
Sınoptıkter málimetinshe, juma kúni aýa sapasy Almaty, Qaraǵandy, Kókshetaý, Nur-Sultan jáne Temirtaý qalalarynda nasharlaıdy.
Ózge shaharlarda meteojaǵdaı norma sheginde bolady.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
