Búgin Qazaqstannyń batys jáne soltústik óńirlerinde qar jaýyp, burqasyn bolady dep kútilýde - Qazgıdromet
ASTANA. 7 jeltoqsan. QazAqparat - «Qazgıdromettiń» boljaýynsha búgin, 7 jeltoqsan kúni Qazaqstannyń basym aýmaǵynyń aýa raıyn antıtsıklon taralýy anyqtaıdy. Respýblıkanyń tek batys jáne soltústik óńirleri atmosferalyq aǵymdardyń yqpalynda bolady.
Munda keı jerlerde qar jaýyp, burqasyn bolady.
Máselen Qostanaı oblysynyń jekelegen jerlerinde burqasyn, tuman, kóktaıǵaq bolady jáne 15-20 m/s ekpindegi jel turady.
Shyǵys Qazaqstan oblysynyń keı aýmaqtarynda burqasyndatyp, 15-20 m/s jel soǵady.
Kúndiz Soltústik Qazaqstan oblysynyń keı jerlerinde de burqasyn bolyp, sekýndyna 17-22 metr jyldamdyqpen soqqan jeldiń ekpini keı ýaqyta 25 metrge deıin jetedi.
Mańǵystaý, túnde Jambyl, Ońtústik Qazaqstan, Aqtóbe oblystarynda - tuman, 15-20 m/s jyldamdyqta jel turady.
Aqmola, túnde Qyzylorda, kúndiz Qaraǵandy oblystarynyń jekelegen óńirlerinde 15-20 m/s jel turyp, kóktaıǵaq bolady.
Almaty oblysynyń Jalańashkól aýmaǵynda jeldiń kúshi 17-22 m/s quraıdy.
