Búgin Qazaqstannyń batys aımaǵynda keı jerlerde tuman, kóktaıǵaq, al soltústiginde burqasyn, kóktaıǵaq bolady dep kútilýde
ASTANA. Jeltoqsannyń 29-y. QazAqparat - Seısenbi, jeltoqsannyń 29-y kúni Qazaqstannyń basym aımaǵy atmosferalyq frontaldy bólikterdiń yqpalynda bolady,
dep habarlaıdy QazAqparat.
Búgin Almaty, Jambyl, Ońtústik Qazaqstan jáne Qyzylorda oblystarynda keı jerlede túman túsedi. Almaty oblysynyń Jalańashkól aýmaǵynda ońtústik-shyǵystan 20-25 m/s jyldamdyqpen jel soǵyp, onyń ekpini 28 m/s-qa deıin jetýi yqtımal.
Soltústik Qazaqstan oblysynda - keı jerlerde tuman, kóktaıǵaq bolady, sekýndyna 15-20 metr jyldamdyqta jel turady. Qostanaı jáne Aqmola oblystarynyń keı aýmaqtarynda burqasyndatyp, tuman, kóktaıǵaq bolady, 15-20 m/s jyldamdyqpen jel soǵady.
Batys Qazaqstan, Aqtóbe, Mańǵystaý jáne Atyraý oblystarynyń keı jerlerin tuman basyp, kóktaıǵaq bolady. Jeldiń ekpini 15-20 m/s bolady dep boljanýda.
Qaraǵandy oblysynda - keı aýmaqtarda tuman, kóktaıǵaq. Sondaı-aq, Pavlodar men Shyǵys Qazaqstannyń keı jerlerine burqasyndatyp, sekýndyna 15-20 metr jyldamdyqpen jel soǵady dep kútilýde.
