Búgin Qazaqstannyń batys aýmaǵynda keı jerlerde qar, al ońtústiginde kúshti jel, kóktaıǵaq bolýy múmkin
ASTANA. Jeltoqsannyń 15-i. QazAqparat - Jeltoqsannyń 15-i kúni Qazaqstannyń batys aýmaǵynda keı jerlerde qar, ońtústiginde - jaýyn,
qatty jel, kóktaıǵaq bolýy yqtımal, jekelegen aýmaqtarda tuman bolady dep kútilýde.
QR Tótenshe jaǵdaılar mınıstrliginiń habarlaýynsha, búgin respýblıkanyń shyǵys bóligi antıtsıklonnyń yqpalynda qala beredi. Batys Qazaqstan, Soltústik Qazaqstan jáne Aqtóbe oblystarynda keı jerlerde kún burqasyndatyp, sekýndyna 17-22 metr jyldamdyqta jel turady dep kútilýde. Qostanaı oblysynda jeldiń ekpini 25 m/s-qa deıin jetýi múmkin, Aqtóbe oblysynda keı jerlerde tuman, kóktaıǵaq bolady.
Qyzylorda, Ońtústik Qazaqstan, Mańǵystaý jáne Atyraý oblystarynyń keı aýmaqtarynda tuman, kóktaıǵaq bolyp, jeldiń ekpini 15-20 m/s-ǵa deıin kúsheıedi dep boljanýda.
Aqmola jáne Qaraǵandy oblystarynda keı jerlerde burqasyn bolyp, 15-20 m/s jyldamdyqpen jel soǵady. Qaraǵandy oblysynyń keı aýmaqtarynda kóktaıǵaq bolady.
Almaty oblysynyń jekelegen bólikterinde tuman, 15-20 m/s jyldamdyqta jel turady, Jalańashkól aýmaǵynda onyń jyldamdyǵy 18-23 m/s bolady, keı ýaqyttary 28 m/s-qa deıin jetýi múmkin.
Shyǵys Qazaqstan oblysynda keı jerlerde burqasyndatyp, 17-22 m/s jyldamdyqpen jel soǵady, Jarma aýdanynda jeldiń ekpini 25-28 m/s-qa deıin jetedi dep kútilýde.
