Búgin Qazaqstannyń basym bóliginde jeldiń jyldamdyǵy 20 m/s-ǵa deıin jetedi
ASTANA. QazAqparat - Búgin Qazaqstannyń kóp bóligi atmosferalyq fronttardyń yqpalynda bolǵandyqtan, keı jerlerde jańbyr jaýyp, naızaǵaı bolady, jel kúsheıedi. Tek ońtústikte jaýyn-shashynsyz aýa-raıy saqtalady.
Bul týraly QR ІІM TJK baspasóz qyzmeti habarlady.
Aqmola, Qostanaı, Soltústik Qazaqstan, Pavlodar, kúndiz Mańǵystaý oblystarynyń keı jerlerinde naızaǵaı kútiledi, jeldiń jyldamdyǵy 15-20 m/s-ǵa deıin kúsheıedi.
Jambyl, Aqtóbe, kúndiz Ońtústik Qazaqstan, Batys Qazaqstan, Atyraý, Shyǵys Qazaqstan oblystarynyń keı jerlerinde jeldiń jyldamdyǵy 15-20 m/s-ǵa deıin jetedi.
Qaraǵandy oblysynyń keı jerlerinde jeldiń jyldamdyǵy 15-20 m/s-ǵa deıin kúsheıedi, kúndiz keı jerlerde naızaǵaı oınaıdy.
Aqtóbe, Qyzylorda oblystarynda, Ońtústik Qazaqstan oblysynyń basym bóliginde, Jambyl, Qaraǵandy, Atyraý, Batys Qazaqstan, Qostanaı, Almaty oblystarynyń keı jerlerinde óte joǵary órt qaýipi saqtalady.
