Búgin Qazaqstannyń basym bóliginde jel turyp, keı jerlerde naızaǵaı oınap, jaýyn jaýady
ASTANA. QazAqparat - Búgin Qazaqstan aýmaǵynyń basym bóliginde atmosferalyq frontaldy bólikterdiń ótýine baılanysty keı jerlerde jańbyr jaýyp, naızaǵaı oınap, jel kúsheıip, tuman túsedi dep kútiledi. Tek Qazaqstannyń ońtústik-batysynda jaýyn-shashynsyz aýa raıy saqtalady, dep habarlaıdy QR ІІM TJK baspasóz qyzmeti.
Soltústik Qazaqstan oblysynyń keı jerlerinde tuman bolady, jeldiń jyldamdyǵy 15-20 m/s-ǵa deıin kúsheıedi dep kútiledi.
Mańǵystaý oblysynyń keı jerlerinde tuman bolady, kúndiz jel 15-20 m/s-ǵa deıin kúsheıedi.
Aqmola, Jambyl, Ońtústik Qazaqstan, Qaraǵandy, túnde Atyraý, Batys Qazaqstan, Qostanaı oblystarynyń keı jerlerinde jel 15-20 m/s-ǵa deıin kúsheıedi.
Aqtóbe oblysynyń keı jerlerinde tuman bolady, Aqtóbe, Qyzylorda, oblystarynyń keı jerlerinde órt qaýpi bar.
