Búgin Qazaqstannyń basym bóliginde jel kúsheıedi
ASTANA. QazAqparat - Respýblıkanyń batys, soltústik-batys jáne soltústik aımaqtarynda atmosferalyq fronttardyń ótýine baılanysty ótkinshi jańbyr jaýady, naızaǵaı oınaıdy, jel kúsheıedi. Qalǵan aımaqtarda aýa raıy jaýyn-shashynsyz, tek respýblıkanyń ońtústiginde jáne ońtústik-shyǵysynda shańdy daýyl bolýy yqtımal.
Bul týraly QR ІІM TJK baspasóz qyzmeti habarlady. Qostanaı, Soltústik Qazaqstan oblystarynda, túnde Atyraý oblysynda, kúndiz Aqmola, Batys Qazaqstan oblystarynyń keı jerlerinde jel 15-20 m/s-ǵa deıin kúsheıedi.
Jambyl, Ońtústik Qazaqstan oblystarynda, kúndiz Qyzylorda oblystarynyń keı jerlerinde shańdy daýyl turyp, jel (15-23 m/s) kúsheıedi.
Kúndiz Mańǵystaý, Qostanaı, Qaraǵandy, Aqmola oblystarynyń keı jerlerinde qatty ystyq kútiledi. Qyzylorda oblysynda, Ońtústik Qazaqstan, Batys Qazaqstan, Qostanaı, Qaraǵandy, Jambyl oblystarynyń keı jerlerinde óte joǵary órt qaýipi saqtalady.
