Búgin Qazaqstannyń basym bóliginde jaýyn-shashyn bolmaıdy
ASTANA. QazAqparat - Búgin Qazaqstan terrıtorııasynyń búkil aımaqtarynda jaýyn-shashynsyz aýa raıy kútiledi. Tek elimizdiń batys bóligi atmosferalyq fronttardyń yqpalynda bolǵandyqtan, keı jerlerde naızaǵaıly ótkinshi jańbyr jaýady. Keı jerlerinde jel kúsheıedi. Respýblıkanyń soltústiginde túnde jáne tańerten keı jerlerde tuman túsedi.
Bul týraly QR ІІM TJD baspasóz qyzmeti habarlady.
Almaty, Jambyl, Qostanaı, kúndiz Mańǵystaý, Aqtóbe oblystarynda keı jerlerde jeldiń jyldamdyǵy 15-20 m/s-ǵa deıin jetedi.
Aqmola jáne Soltústik Qazaqstan oblystarynyń túnde jáne tańerten keı jerlerinde tuman saqatalady.
Kúndiz Ońtústik Qazaqstan oblysynyń keı jerlerinde shańdy daýyl soǵyp, jeldiń jyldamdyǵy 15-20 m/s-ǵa deıin kúsheıýi kútiledi.
Atyraý oblysynyń keı jerlerinde jeldiń jyldamdyǵy 15-20 m/s-ǵa deıin jetedi, kúndiz naızaǵaı oınaıdy.
Kúndiz Batys Qazaqstan oblysynyń keı jerlerinde jeldiń jyldamdyǵy 15-20 m/s-ǵa deıin kúsheıýi kútiledi, naızaǵaı oınaıdy.
Atyraý, Batys Qazaqstan, Aqtóbe oblystarynyń basym bólikterinde, Mańǵystaý, Qostanaı oblystarynyń keı jerlerinde qatty ystyq bolady.
Atyraý, Aqtóbe, Qyzylorda, Ońtústik Qazaqstan, Jambyl oblystarynyń basym bólikterinde, Almaty, Qaraǵandy, Batys Qazaqstan, Qostanaı, Shyǵys Qazaqstan oblystarynyń keı jerlerinde óte joǵary órt qaýipi saqtalady.
