Búgin Qazaqstannyń basym bóliginde jaýyn-shashyn bolady - «Qazgıdromet»
ASTANA. QazAqparat - Beısenbide frontaldyq aǵyndardyń ótýine baılanysty Qazaqstannyń basym aýmaǵy jaýyn-shashyndy bolyp, tuman túsedi, kóktaıǵaq oryn alady dep kútilýde, dep habarlaıdy «Qazgıdromet» RMK.
Qostanaı, Soltústik Qazaqstan, Aqmola oblystarynda jer-jerlerde tuman túsip, kóktaıǵaq bolady, jeldiń ekpini 15-20 m/s deıin kúsheımek.
Ońtústik Qazaqstan, Shyǵys Qazaqstan oblystarynda, kúndiz Almaty, Qyzylorda, Pavlodar, Qaraǵandy oblystarynyń keıbir jerlerinde jeldiń kúshi 15-20 m/s deıin jetip, Qaraǵandy oblysynyń keı aımaqtarynda kóktaıǵaq bolady. Aqtóbe oblysynda, sondaı-aq kúndiz Jambyl, Batys Qazaqstan oblystarynyń keı jerlerinde jel 15-20 m/s-ge deıin kúsheıip, tuman túsýi múmkin. Atyraý, Mańǵystaý oblystarynyń keıbir aýdandarynda tuman kútilýde.
