Búgin Qazaqstannyń basym bóliginde jańbyr jaýyp, jel turady
ASTANA. QazAqparat – «Qazgıdromet» RMK-sy qyrkúıektiń 11-i kúngi aýa raıy boljamyn jarııalady, dep habarlaıdy QazAqparat.
«Qazgıdromet» boljamyna qaraǵanda, búgin tsıklon jáne onymen baılanysty frontaldy bólikterdiń saldarynan respýblıkanyń basym bóliginde jańbyr jaýyp, naızaǵaı oınaıdy. eldiń soltústiginde, soltústik-batysynda, ońtústik-batysynda, ortalyǵynda qatty jańbyr jaýady.
Respýblıka boıynsha ekpindi jel kútiledi, soltústikte, soltústik-batysta, ońtústik-batysta, ortalyqta burshaq jaýyp, eldiń soltústiginde, soltústik-batysynda tuman túsedi, QR ońtústiginde shańdy daýyl turady.
Qyzylorda oblysynyń ortalyǵynda, shyǵysynda, ońtústiginde, Atyraý oblysynyń soltústik-batysynda, soltústik-shyǵysynda, Qaraǵandy, Ulytaý oblystarynyń ońtústiginde tótenshe órt qaýpi saqtalady.
Batys Qazaqstan oblysynyń batysynda, ońtústik-batysynda tótenshe órt qaýpi, soltústik-batysta, ońtústikte, ortalyqta joǵary órt qaýpi kútiledi.
Pavlodar oblysynyń ońtústiginde, Mańǵystaý oblysynyń ortalyǵynda joǵary órt qaýpi kútiledi.
