Búgin Qazaqstannyń basym bóliginde tuman túsedi, keı jerlerde burqasyn soǵady
ASTANA. QazAqparat - Búgin Respýblıkanyń soltústik-batys jáne ońtústik bóliginde atmosferalyq fronttardyń ótýine baılanysty qubylmaly aýa raıy saqtalady. Keı jerlerde tuman túsedi, burqasyn soǵyp, jeldiń kúsheıýi kútiledi.
Bul týraly QR ІІM TJK baspasóz qyzmeti habarlaıdy.
Almaty oblysy Jalańashkól aýdanynda jyldamdyǵy 18-23 m/s, ekpini 28 m/s jel turady, keı jerlerinde túnde tuman kútiledi.
Jambyl, Ońtústik-Qazaqstan, Qaraǵandy oblystarynyń keı jerlerinde tuman, jeldiń jyldamdyǵy 15-20 m/s-ǵa deıin kúsheıedi.
Qostanaı oblysynyń keı jerlerinde tuman kútilip, jeldiń jyldamdyǵy 18 m/s-ǵa deıin kúsheıedi.
Qyzylorda, Batys-Qazaqstan, Atyraý, Aqtóbe, Pavlodar, Shyǵys-Qazaqstan oblystarynda, Soltústik-Qazaqstan oblysynyń keı jerlerinde tuman, Atyraý oblysynyń keı jerlerinde kóktaıǵaq kútiledi.
