Búgin Qazaqstannyń basym bóliginde qubylmaly aýa raıy saqtalady
ASTANA. QazAqparat - Búgin atmosferalyq fronttardyń ótýine baılanysty Qazaqstannyń basym bóliginde qubylmaly aýa raıy saqtalady. Keı jerlerde jańbyr jaýady, naızaǵaı oınaıdy, soltústik-shyǵysta aýa raıy jaýyn-shashynsyz bolady. Respýblıkanyń keı jerlerinde jel kúsheıip, naızaǵaı kútiledi. Keı jerlerinde daýyl soǵyp, burshaq jaýýy múmkin, ońtústikte - shańdy daýyl, soltústikte, soltústik-shyǵysynda - tuman bolady.
Bul týraly QR ІІM TJK baspasóz qyzmeti habarlaıdy.
Jambyl, Ońtústik Qazaqstan, túnde jáne tańerten Aqmola oblystarynyń keı jerlerinde naızaǵaı oınap, daýyl soǵyp, jeldiń jyldamdyǵy 15-20 m/s-ǵa jetedi, burshaq bolýy múmkin.
Soltústik Qazaqstan oblysynda jel 15-20 m/s, keı jerlerinde ekpini 23-28 m/s bolady, naızaǵaı, daýyl, tuman kútiledi, burshaq jaýýy múmkin.
Qaraǵandy, túnde Atyraý, Qyzylorda, kúndiz Manǵystaý, Almaty, Shyǵys Qazaqstan oblystarynyń keı jerlerinde naızaǵaı kútiledi, Qaraǵandy, kúndiz Almaty, Shyǵys Qazaqstan Qyzylorda oblystarynyń keı jerlerinde jeldiń jyldamdyǵy 15-20 m/s-ǵa jetedi. Qyzylorda oblysynda shańdy daýyl soǵady.
Qostanaı, túnde Aqtóbe oblystarynyń keı jerlerinde tuman, jeldiń jyldamdyǵy 15-20 m/s-ǵa jetedi. Qostanaı oblysynyń keı jerlerinde naızaǵaı kútiledi, burshaq jaýýy múmkin.
Atyraý, Mańǵystaý, Qyzylorda oblystarynyń basym bóliginde, Ońtústik Qazaqstan, Jambyl, Almaty, Qaraǵandy, Aqtóbe oblystarynyń keı jerlerinde órt qaýpi kúsheıedi.
