Búgin Qazaqstannyń basym bóliginde qar, jańbyr jaýady
NUR-SULTAN. QazAqparat – 7 qazan kúni Qazaqstan aýmaǵynyń basym bóligi tsıklonnyń yqpalynda bolady. Osyǵan baılanysty jaýyn-shashyn (jańbyr, qar) boljanady. Respýblıkanyń ońtústiginde túnde jańbyr jaýady. Keı jerlerde tuman, ekpindi jel, kóktaıǵaq, shyǵys pen ortalyqta jaıaý burqasyn kútiledi, dep habarlaıdy QazAqparat.
«Qazgıdromet» RMK-dan málim etkendeı, Shyǵys Qazaqstan, Qaraǵandy oblystarynyń keı jerlerinde tuman, kóktaıǵaq, jaıaý burqasyn, 15-20 m/s deıin jeldiń kúsheıýi kútiledi.
Qostanaı, Soltústik Qazaqstan oblystarynyń keı jerlerinde tuman, kóktaıǵaq, 15-25 m/s deıin jeldiń kúsheıýi kútiledi.
Aqmola, Pavlodar oblystarynda jeldiń kúshi 15-23 m/s artady.
Jambyl, Aqtóbe, túnde jáne tańerteń Almaty oblystarynyń keı jerlerinde tuman bolady.
Almaty, Jambyl, Túrkistan, Qyzylorda oblystarynyń keı jerlerinde túnde 1-5 gradýs úsik kútiledi.
Sondaı-aq Túrkistan, Qyzylorda oblystarynyń basym bóliginde, Jambyl, Aqtóbe, Qaraǵandy oblystarynyń keı jerlerinde tótenshe órt qaýpi saqtalady.
