Búgin Qazaqstannyń basym bóliginde boran soǵady - Qazgıdromet
ASTANA. QazAqparat - 5 jeltoqsanynda Qazaqstannyń basym bóliginde aýa aǵynynyń ótýine baılanysty turaqsyz aýa raıy saqtalyp, keıbir jerlerde jaýyn-shashyn (kóbinese qar), burqasyndy jeldiń kúsheıýi, tuman, kóktaıǵaq bolady dep kútilýde. Bul týraly «Qazgıdromet» RMK-nan habarlandy.
Qostanaı oblysynda jeldiń kúshi 15-20 m/s deıin jetip, burqasyn bolady.
Qaraǵandy oblysynda túnde keıbir jerlerde, kúndiz kóp bóliginde jeldiń 15-20 m/s jyldamdyqpen soǵyp, jel ekpininiń 25 m/s deıin jetedi, keıbir jerlerde burqasyn bolýy kútiledi.
Pavlodar oblysynyń keıbir jerlerinde burqasyn bolyp, kúndiz jeldiń ekpini 17-22 m/s deıin jetedi. Batys Qazaqstan, Aqtóbe, Soltústik Qazaqstan, Aqmola, Shyǵys Qazaqstan oblystarynyń keıbir jerlerinde burqasyn bolyp, jel (15-20 m/s) turady.
Atyraý oblysynyń jer-jerlerinde burqasyn bolyp, jeldiń 15-20 m/s jyldamdyqpen soǵýy kútiledi. Jambyl, Mańǵystaý oblystarynyń keıbir jerlerinde jel (15-20 m/s) turyp, tuman túsedi. Almaty oblysynyń keıbir jerlerinde túnde tuman túsip, kóktaıǵaq bolady dep kútilýde. Qyzylorda oblysynyń jer-jerlerinde jel (15-20 m/s) soǵady. Ońtústik Qazaqstan oblysynyń keı jerlerinde tuman túsedi. Jaqyn táýlikterde Qazaqstannyń kóptegen sý nysandarynda muz qatý jalǵasady. Syrdarııa ózeninde, respýblıkanyń ońtústik-shyǵys jáne shyǵysyndaǵy jekelegen ózenderde seńniń toqtaýy, sý deńgeıiniń kóterilýi múmkin.
