Búgin Qazaqstannyń basym bóliginde aýa sapasy nasharlaıdy

ASTANA. QazAqparat – Búgin, 19 qańtarda Qazaqstan aýmaǵynyń basym bóliginde qolaısyz meteorologııalyq jaǵdaı saqtalady, dep habarlaıdy QazAqparat.

«Qazgıdromet» RMK baspasóz qyzmeti taratqan málimetke sensek, 19 qańtar, beısenbi kúni elimizdegi qalalardyń basym kópshiliginde meteorologııalyq ahýal nasharlaıdy. Atap aıtqanda, Qostanaı, Qaraǵandy, Kókshetaý, Jezqazǵan, Balqash, Temirtaý, Óskemen, Semeı, Rıdder, Aqtóbe, Astana, Almaty jáne Shymkent qalalarynda aýa sapasy buzylady.

Qolaısyz meteorologııalyq jaǵdaı - atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.