Búgin Qazaqstannyń basym bóliginde aptap ystyq bolady
ASTANA. QazAqparat - Búgin Qazaqstannyń kóptegen bóliginde atmosferalyq fronttardyń ótýine baılanysty turaqsyz aýa raıy kútiledi. Soǵan baılanysty keı jerlerde jańbyr jaýyp, naızaǵaı bolady, jel kúsheıedi, jekelegen aýdandarda burshaq jaýady.
Bul týraly QR ІІM TJK baspasóz qyzmeti habarlaıdy.
Almaty, Jambyl oblystarynyń keı jerlerinde jeldiń jyldamdyǵy 15-20 m/s-ǵa deıin kúsheıedi, burshaq bolýy múmkin.
Aqmola, Soltústik Qazaqstan, Qaraǵandy, Qyzylorda oblystarynda, kúndiz Shyǵys Qazaqstan, Ońtústik Qazaaqstan, Batys Qazaqstan, Qostanaı oblystarynyń keı jerlerinde jeldiń jyldamdyǵy 15-20 m/s-ǵa deıin kúsheıedi.
Atyraý oblysynyń basym bóliginde, Batys Qazaqstan oblysynyń keı jerlerinde óte qatty ystyq saqtalady.
Qyzylorda, Mańǵystaý, Aqtóbe, Shyǵys Qazaqstan oblystarynyń basym bólikterinde, Qostanaı, Qaraǵandy oblystarynyń keı jerlerinde qatty ystyq kútiledi.
Atyraý, Aqtóbe, Qyzylorda oblystarynyń basym bóliginde, Ońtústik Qazaqstan, Batys Qazaqstan, Qaraǵandy, Almaty, Jambyl, Shyǵys Qazaqstan oblystarynyń keı jerlerinde óte joǵary órt qaýpi saqtalady.
