Búgin Qazaqstannyń basym aımaqtarynda jel turyp, tuman túsedi, kóktaıǵaq bolady
ASTANA. Qańtardyń 12-si. QazAqparat - Seısenbi, qańtardyń 12-si kúni Qazaqstannyń basym aımaǵy atmosferalyq aǵym bólikteriniń yqpalynda bolady.
Eldiń ońtústigi men ońtústik-shyǵysynda aýa-raıynyń antıtsıklondyq túri boljanýda, dep habarlaıdy QazAqparat TJM-ǵa silteme jasap.
Máselen, Almaty oblysynda keı jerlerdi tuman túsedi dep kútilýde, Jalańashkól aýmaǵynda ońtústik-shyǵystan soǵatyn jeldiń ekpini 20-25, keı ýaqyttary 28-33 m/s-qa deıin kúsheıedi.
Jambyl, Ońtústik Qazaqstan, Qyzylorda, Batys Qazaqstan jáne Aqtóbe oblystarynyń keı jerlerine tuman túsedi, Mańǵystaý oblysynyń keı aýmaqtarynda tuman, kóktaıǵaq bolady, sekýndyna 15-20 metr jyldamdyqpen jel soǵady.
Qostanaı, Soltústik Qazaqstan, Pavlodar, túnde Aqmola jáne Qaraǵandy oblystarynyń keı jerlerinde burqasyndatyp, 15-20 m/s jyldamdyqta jel turady.
Shyǵys Qazaqstan oblysynda burqasyn bolady dep boljanýda, jeldiń ekpini keı jerlerde 17-22, Jarma aýdanynda 20-25 m/s-qa deıin jetýi yqtımal.
