Búgin Qazaqstannyń basym aımaqtarynda kúshti aıaz saqtalady - Qazgıdromet
ASTANA. Qańtardyń 20-sy. QazAqparat -Qazaqstanǵa kúshti ári sýyq antıtsıklondardyń yqpaly jalǵasyp otyrǵandyqtan, sársenbi, qańtardyń 20-sy kúni eldiń basym aımaqtarynda úskirik aıazdar saqtalady,
dep habarlaıdy QazAqparat.
«Qazgıdromettiń» boljaýynsha, búgin Jambyl, Ońtústik Qazaqstan jáne Qyzylorda oblystarynda 15-22 m/s jyldamdyqta jel turady, Jambyl oblysynyń taýly aımaqtarynda onyń ekpini 25 m/s-qa deıin jetedi dep kútilýde.
Mańǵystaý, Atyraý, Aqtóbe, Qostanaı jáne kúndiz Qaraǵandy oblystarynda keı jerlerde sekýndyna 15-20 metr jyldamdyqpen jel soǵyp, burqasyndatady.
Túnde Jambyl, tańerteń Shyǵys Qazaqstan oblystarynyń keıbir aýmaqtarynda tuman bolady.
