Búgin Qazaqstannyń basym aımaqtarynda kún ashyq - «Qazgıdromet» RMK
ASTANA. QazAqparat - Dúısenbi kúni, 15 qyrkúıekte Qazaqstannyń basym bóliginde kún ashyq bolady, soltústiginde, shyǵysynda jáne batysynda ǵana atmosferalyq aǵyndardyń ótýimen aýa raıynyń turaqsyz bolýy kútiledi, keı jerlerde jańbyr jaýady, jel kúsheıedi, dep habarlady «Qazgıdromet» RMK.
Ońtústik Qazaqstan, Pavlodar, kúndiz Qaraǵandy oblystarynda jeldiń 15-20 m/s-qa deıin kúsheıýi kútiledi. Qostanaı, Shyǵys Qazaqstan oblystarynda túnde jáne tańerteń keı jerlerde tuman túsip, kúndiz jeldiń kúshi 15-20 m/s-qa jetedi. Aqmola oblysynda keı jerlerde jeldiń ekpini 15-20 m/s-qa jetip, túnde jáne tańerteń tuman túsedi.
Batys Qazaqstan oblysynyń keı jerlerinde kún kúrkirep, kúndiz jeldiń kúshi 15-20 m/s-qa jetýi kútiledi. Jambyl oblysynda keı jerlerde kúndiz kún kúrkireıdi. Soltústik Qazaqstan oblysynda túnde jáne tańerteń keı jerlerde tuman túsedi.
Respýblıkanyń ońtústiginde, ońtústik-shyǵysynda, batysynyń keı jerlerinde, ońtústik-batysynda, soltústiginde, soltústik-batysynda, shyǵysynda, jáne ortalyǵynda óte joǵary órt qaýpi saqtalady.
