Búgin Qazaqstannyń basym aımaǵynyń aýa raıyna antıtsıklonnyń yqpaly saqtalady - Qazgıdromet
ASTANA. Aqpannyń 13-i. QazAqparat - «Qazgıdromettiń» boljaýynsha búgin, aqpannyń 13-i kúni Qazaqstannyń basym aımaǵynyń aýa raıyna antıtsıklonnyń yqpaly saqtalady.
Respýblıkanyń soltústiktegi shetkeri óńirler arqyly jyly atmosferalyq aǵymdardyń jyljýy baıqalady, al shetki ońtústik jáne ońtústik-shyǵys aýmaqtaryna sýyq aǵymdardyń áseri saqtalady.
Máselen, Almaty jáne Ońtústik Qazaqstan oblystarynyń keı jerlerinde tuman bolady dep kútilýde. Almaty oblysynyń Jalańashkól aýmaǵynda ońtústik-shyǵystan 18-23 m/s jyldamdyqpen jel soǵady, keı ýaqyttary onyń ekpini 28 m/s-qa deıin jetýi múmkin.
Mańǵystaý, kúndiz Atyraý jáne Batys Qazaqstan oblystarynyń jekelegen jerlerinde jeldiń kúshi 15-20 m/s-qa deıin kúsheıedi dep kútilýde.
Al Shyǵys Qazaqstan oblysynyń jekelegen óńirlerinde tuman saqtalyp, burqasyndatady, sekýndyna 18 metr jyldamdyqpen jel soǵady.
Qostanaı, Soltústik Qazaqstan, kúndiz Pavlodar oblystarynda - keı jerlerde tuman, 15-20 m/s jyldamdyqta jel turady.
