Búgin Qazaqstannyń basym aımaǵynda jel turyp, kóktaıǵaq bolady
ASTANA. Qańtardyń 14-i. QazAqparat - «Qazgıdromettiń» boljamdaryna sáıkes, búgin Qazaqstannyń basym aımaǵy atmosferalyq aǵym bóliginde bolady.
Máselen, eldiń birqatar oblysynda kóktaıǵaq, shamamen 15-20 m/s jyldamdyqta jel turady dep kútilýde, dep habarlaıdy QazAqparat.
Almaty oblysynda keı jerlerde tuman túsip, kóktaıǵaq bolady, 15-20 m/s jyldamdyqpen jel soǵady. Jambyl jáne Ońtústik Qazaqstan oblystarynyń keı aýmaqtarynda - kóktaıǵaq, sekýndyna 15-20 metr jyldamdyqta jel turady.
Aqtóbe, Qaraǵandy Pavlodar jáne Shyǵys Qazaqstan oblystarynda burqasyndatyp, 15-22 m/s jyldamdyqta jel turady dep kútilýde. Qyzylorda aımaǵynda keı jerlerde - kóktaıǵaq, jeldiń ekpini 15-20 m/s bolady.
Qostanaı men Soltústik Qazaqstanda - burqasyn, Aqmola oblysynyń keı jerlerinde de kún burqasyndatyp, al 15-20 m/s jyldamdyqpen soqqan jeldiń ekpini keı ýaqyttary 25-ke jetýi yqtımal.
Atyraý oblysynyń keı aýmaqtaryn tuman basyp, Mańǵystaý oblysynda - tuman, kóktaıǵaq bolady dep boljanýda.
