Búgin Qazaqstannyń basym aımaǵynda kún jaýyn-shashynsyz bolady
ASTANA. QazAqparat - 23 qyrkúıek kúni Qazaqstannyń basym óńirinde jaýyn-shashynsyz aýa raıy kútiledi.
Bul týraly «Qazgıdrometten» habarlady.
Tek batysta jáne soltústikte atmosferalyq frontaldy bólikterdiń ótýine baılanysty keı jerlerde jańbyr saqtalady. Ońtústik-batysta, soltústikte, soltústik-batysta, ortalyqtyń keı jerlerinde tuman kútiledi, ońtústikte jáne ońtústik-batysta shańdy daýyl bolady.
Jambyl, Qyzylorda, kúndiz Ońtústik Qazaqstan oblystarynyń keı jerlerinde jel 15-20 m/s kúsheıedi, shańdy daýyl bolady. Mańǵystaý oblysynyń keı jerlerinde túnde jel 15-20 m/s kúsheıedi, shańdy daýyl bolady, jekelegen aýdandarda tuman bolady. Batys Qazaqstan, kúndiz Aqtóbe oblystarynyń keı jerlerinde jel 15-20 m/s kóteriledi. Qostanaı oblysynyń keı jerlerinde tuman kútiledi, tańerteń jáne kúndiz jekelegen aýdandarda jel 18 m/s jetedi. Soltústik Qazaqstan, Aqmola, Qaraǵandy oblystarynda túnde jáne tańerteń keı jerlerde tuman boljanýda.
Qaraǵandy oblysynyń keı jerlerinde úsik kútiledi.
Sondaı-aq, Ońtústik Qazaqstan, Atyraý oblystarynda, Qaraǵandy, Jambyl, Almaty oblystarynyń basym bóliginde, Shyǵys Qazaqstan, Aqtóbe oblystarynyń keı jerlerinde óte joǵary órt qaýpi saqtalady.
