Búgin Qazaqstannyń basym aımaǵynda burqasyndatyp, jel turady - Qazgıdromet
STANA. Naýryzdyń 10-y. QazAqparat - «Qazgıdromettiń» boljaýynsha búgin, naýryzdyń 10-y kúni Qazaqstannyń basym aýmaǵy atmosferalyq aǵymdar bólikterimen baılanysty tsıklonnyń yqpalynda bolady.
Máselen, Pavlodar oblysynda burqasyndatyp, batystan sekýndyna 15-20, keı ýaqyttary 25 m/s jyldamdyqpen jel turady.
Qostanaı, Soltústik Qazaqstan, Qaraǵandy jáne Aqtóbe oblystarynyń keı jerlerinde - burqasyndatyp, 15-20 m/s jyldamdyqta jel turady dep kútilýde.
Shyǵys Qazaqstan oblysynyń keı aýmaqtarynda burqasyn, kóktaıǵaq bolady dep boljanýda, 18-23 m/s jyldamdyqta soqqan jeldiń ekpini túnde Jarma aýdanynda 25-30-ǵa deıin jetýi yqtımal.
Ońtústik Qazaqstan oblysynda - tuman, keı jerlerde 15-20 m/s jel turady. Qyzylorda, jáne Aqmola oblystarynyń keı óńirlerinde - kóktaıǵaq, 15-20 m/s-pen jel soǵady. Aqmola oblysynyń jekelegen aýmaqtarynda burqasyndatyp, tuman túsedi.
Mańǵystaý, Jambyl, kúndiz jáne túnde Almaty oblystaryn tuman basyp, jeldiń kúshi 15-20 m/s bolady dep kútilýde.
