Búgin Qazaqstannyń basym aýmaǵynda jańbyr jaýyp, kúshti jel turady - Qazgıdromet
ASTANA. Qyrkúıektiń 28-i. QazAqparat - «Qazgıdromettiń» boljaýynsha búgin, qyrkúıektiń 28-i kúni Qazaqstannyń basym aýmaǵy jańbyr men kúshti jel bolatyn atmosferalyq aǵymnyń - tsıklonnyń yqpalynda bolady. Al eldiń batysynda kún jaýyn-shashynsyz.
Aqmola, Pavlodar, Shyǵys Qazaqstan, kúndiz Qostanaı oblysynyń jekelegen jerlerinde 15-20 m/s ekpinmen jel turady.
Aqmola, Aqtóbe, Soltústik Qazaqstan men Qaraǵandy oblystarynyń keı jerlerinde túnde jáne tańerteń tuman túsedi.
Sondaı-aq «Qazgıdromettiń» eskertýinshe búgin, Qazaqstannyń ońtústiginde, batysy men ońtústik-shyǵysyndaǵy keı jerlerde órt qaýpi saqtalady.
