Búgin Qazaqstannyń basym aýmaǵynda temperatýra 0-den tómendeıdi - Qazgıdromet
TANA. 30 qyrkúıek. QazAqparat - «Qazgıdromettiń» boljaýynsha, búgin, 30 qyrkúıek kúni Qazaqstannyń basym aýmaǵynda antıtsıklon taramdarynyń yqpal etýimen jaýyn-shashynsyz aýa raıy qalyptasady. Respýblıkanyń tek batysynda atmosferalyq aǵymdardyń yǵysýymen jekelegen jerlerde jańbyrlar, naızaǵaı men kúshti jelder kútilýde.
Atap aıtqanda, Jambyl, Mańǵystaý, Atyraý, Batys Qazaqstan, kúndiz Aqtóbe, Qostanaı, Qaraǵandy, túnde Shyǵys Qazaqstan oblystarynyń keı aýmaqtarynda 15-20 m/s jyldamdyqta jel soǵady.
Túnde Almaty, Jambyl, Ońtústik Qazaqstan oblystarynda aýa temperatýrasy 0-2 gradýsqa deıin tómendeıdi.
Al Aqmola, Soltústik Qazaqstan, Qostanaı, Qaraǵandy, Shyǵys Qazaqstan oblystarynyń jekelegen aýmaqtaryndaǵy 0-3 gradýsqa deıingi kún sýytýy búgin de saqtalady.
Sondaı-aq sınoptıkterdiń boljaýynsha, Qazaqstannyń ońtústik, ortalyq, shyǵys jáne batys aýmaqtarynda joǵary órt qaýpi bolady.
