Búgin Qazaqstannyń basym aýmaǵynda kúshti jel turyp, burqasyndatady - Qazgıdromet
ASTANA. 30 jeltoqsan. QazAqparat - «Qazgıdromettiń» boljaýynsha, búgin, 30 jeltoqsan kúni respýblıkanyń basym aýmaǵyna antıtsıklonnyń áseri saqtalady. Al eldiń soltústik, shyǵys, ońtústik-shyǵys bólikteri atmosferalyq aǵymdar yqpalynda bolady, munda - kúshti jel men burqasyn kútilýde.
Máselen, Shyǵys Qazaqstan oblysynda keı jerlerde burqasyndatyp, 17-22 m/s ekpinde jel soǵady dep boljanýda. Jarma aýdanynda jeldiń kúshi sekýndyna 25 metrge jetýi yqtımal.
Pavlodar, Soltústik Qazaqstan jáne Aqmola oblystarynyń keı jerlerinde burqasyn kóterilip, 15-20 m/s jyldamdyqta jel turady.
Túnde Qaraǵandy oblysynda - burqasyn, tuman, 15-20 m/s kúshpen jel soǵady.
Jambyl, Qyzylorda, Atyraý, Aqtóbe oblystarynyń jekelegen aýmaqtarynda tuman túsedi, jeldiń ekpini 15-20 m/s-qa deıin kóterilýi yqtımal.
Almaty oblysynda tuman, túnde Jalańashakól aýmaǵynda sekýndyna 20-25, keı ýaqyttary 30 metrge deıin jel kóteriledi.
Ońtústik Qazaqstan oblysynda - tuman, túnde 18 m/s jyldamdyqta jel turady.
Batys Qazaqstan oblysynda, sondaı-aq tuman, kóktaıǵaq, kúndiz jeldiń kúshi 18 metrdi quraıdy.
Mańǵystaý oblysynda kúndiz 18 m/s ekpinde jel bolady.
Qostanaı oblysynda jeldiń kúshi sekýndyna 18 metrge deıin kúsheıip, túnde keı aýmaqtarynda burqasyndatady.
