Búgin Qazaqstannyń basym aýmaǵynda qar men jańbyr kútilýde
TANA. 28 qazan. QazAqparat - Juma, 28 qazan kúni Qazaqstannyń basym aýmaǵynyń aýa raıyna atmosferalyq aǵyndarmen baılanysty belsendi antıtsıklonnyń yqpal etýimen qar men jańbyr túrinde jaýyn-shashyn túsedi. Bul týraly «Qazgıdrometten» málim etti.
Respýblıkanyń ońtústik-shyǵysynda jaýyn-shashyn molynan jaýyp, jel kúsheıedi. Jekelegen aýdandardy tuman basyp, kóktaıǵaq bolýy múmkin.
Aqtóbe, Qostanaı, Soltústik Qazaqstan, Aqmola, Qaraǵandy, Pavlodar, Shyǵys Qazaqstan, Qyzylorda, Ońtústik Qazaqstan, Jambyl jáne Almaty oblystarynyń jekelegen aýmaqtarynda jeldiń jyldamdyǵy artyp, onyń ekpini sekýndyna 15-22 metrdi quraıtyn bolady. Sondaı-aq atalmysh óńirlerde tumen men kóktaıǵaq boljanýda.
Gıdrologııalyq boljamdarǵa sáıkes, aldaǵy táýlikte Qazaqstannyń soltústik bóligindegi sýly nysandarda sý betiniń sýýy baıqalady. Shyǵys Qazaqstan oblysynyń jekelegen taýly ózenderinde jańbyrǵa baılanysty sý kóleminiń artýy yqtımal. Al eldiń ońtústik jáne ońtústik-shyǵysyndaǵy ózenderde sý deńgeıiniń aýytqýy kútilýde.
