Búgin Qazaqstannyń barlyq aımaǵynda jel turyp, burqasyn bolady - Qazgıdromet
ASTANA. Qańtardyń 22-si. QazAqparat - «Qazgıdromettiń» boljaýynsha, búgin, qańtardyń 22-si kúni sýyq antıtsıklon Qazaqstannyń derlik barlyq aýmaǵyndaǵy aýa raıyna óziniń yqpalyn saqtaıdy,
tek respýblıkanyń ońtústigi men ońtústik-shyǵysynda kún bulttanyp, qar jaýady.
Aqtóbe, Qostanaı, Soltústik Qazaqstan, Aqmola jáne Qaraǵandy oblystarynda keı jerlerde burqasyndatyp, 15-22 m/s jyldamdyqta jel turady dep kútilýde.
Shyǵys Qazaqstan oblysynyń keı jerlerinde - burqasyn, jeldiń ekpini - 17-22 m/s, túnde jáne kúndiz tuman bolady.
Qyzylorda jáne Mańǵystaý oblystarynyń keı aýmaqtarynda burqasyndatyp, sekýndyna 15-20 m/s jyldamdyqpen jel soǵady. Atyraý oblysynyń keı jerlerinde de 15-20 m/s jyldamdyqta jel turady.
Ońtústik Qazaqstan jáne Jambyl oblystarynda keı jerlerde burqasyn, tuman, kóktaıǵaq bolady dep kútilýde, 17-22 m/s jyldamdyqpen soqqan jeldiń ekpini 25-ke jetýi yqtımal.
Almaty oblysynda - keı jerlerinde tuman, kóktaıǵaq, sekýndyna 18-23 mert jyldamdyqta jel turady. Jalańashkól aýmaǵynda ońtústik-shyǵystan 22-27 m/s jyldamdyqpen soqqan jeldiń ekpini 30-ǵa jetýi múmkin.
