Búgin Qazaqstannyń barlyq aýmaǵynda jyldamdyǵy 15-20 m/s-qa deıin kúshti jel turady - Qazgıdromet
STANA. Qazannyń 1-i. QazAqparat - «Qazgıdromettiń» boljaýynsha búgin, qazannyń 1-i kúni Qazaqstannyń soltústik-batys bóligi atmosferalyq tsıklonnyń yqpalynda bolady. Sonyń saldarynan naızaǵaı oınap, jańbyr jaýady, jel soǵady. Al respýblıkanyń qalǵan óńirlerinde aýa raıyn antıtsıklon qalyptastyrady.
Máselen, Qostanaı, Soltústik Qazaqstan, Pavlodar oblystarynyń jekelegen jerlerinde 15-20 m/s jyldamdyqta jel turady, keıbir ýaqyttary onyń kúshi 25 m/s-qa deıin jetýi yqtımal.
Aqmola, Aqtóbe, Qaraǵandy, Shyǵys Qazaqstan, kúndiz Ońtústik Qazaqstan, Atyraý jáne Batys Qazaqstan oblystarynda da jel turady, onyń kúshi sekýndyna 15-20 metrdi quraıdy. Qaraǵandy oblysynyń keı aýmaqtarynda shańdy daýyl boraıdy.
Almaty oblysynyń Jalańashkól aýmaǵynda ońtústik-shyǵystan soqqan jeldiń ekpini 15-20 m/s-ty quraıdy dep boljanýda.
Sondaı-aq «Qazgıdromettiń» eskertýinshe búgin, Qazaqstannyń ortalyq, batysy, shyǵys jáne ońtústik-shyǵysynda joǵary órt qaýpi saqtalady.
