Búgin Qazaqstannyń 60 qalasynyń turǵyny jaryqty bir saǵatqa sóndiredi
ASTANA. 31 naýryz. QazAqparat - Búgin Qazaqstannyń 60 qalasynyń turǵyny búkilálemdik «Jer saǵaty» ekologııalyq sharasyna qatysyp, úılerindegi jaryqty saǵat 20:30-dan 21:30-ǵa deıin óshiredi,
dep habarlaıdy Búkilálemdik jabaıy tabıǵat qorynyń (WWF) qazaqstandyq ókildiginen.
«Jer saǵaty» sharasy - WWF jyl saıyn ótkizetin jáne adamdardyń klımattyń ózgerý máselesine nazaryn aýdartý úshin jer turǵyndaryn jaryq pen basqa da ómirlik mańyzy joq quraldardy bir saǵatqa óshirýge shaqyratyn ǵalamdyq oqıǵa. Eń alǵash ret «Jer saǵaty» 2007 jyly ótkizilgen, kelesi jyldyń ózinde shara álemdik qoldaý alyp, 2009 jyly adamzat tarıhyndaǵy eń buqaralyq sharaǵa aınaldy - WWF baǵalary boıynsha, ol ǵalamshardyń bir mıllıardtan astam turǵynyn qamtydy. «Jer saǵaty» aıasynda búkil álem boıynsha iri arhıtektýralyq eskertkishter men tańbalyq nysandardyń jaryqtandyrylýy óshiriledi.
Qazaqstannyń bul sharaǵa qatysqanyna bıyl tórt jyl tolady. Oǵan respýblıkanyń 60 qalasynan, sonyń ishinde Astana, Almaty, Shymkent, Pavlodar, Aqtaý, Aqtóbe, Óskemen, t.b. qalalarynan 9 mıllıon qazaqstandyq atsalysady dep josparlanyp otyr. Qazaqstan astanasyndaǵy 100-den astam iri nysandarda, sonyń ishinde «Báıterek» monýmentinde de jaryq óshedi.
