Búgin Qazaqstannyń 5 qalasynda aýa sapasy nasharlaıdy
NUR-SULTAN. QazAqparat – Senbide Qazaqstannyń kóptegen qalalarynda qolaıly meteorologııalyq jaǵdaı saqtalady, dep habarlaıdy QazAqparat.
«Qazgıdromet» RMK baspasóz qyzmeti taratqan málimetke sensek, 29 qańtar, senbi kúni elimizdegi qalalardyń basym kópshiliginde meteorologııalyq ahýal birqalypty bolady.
Tek Nur-Sultan, Qaraǵandy, Kókshetaý, Pavlodar, Temirtaý qalalarynda aýa sapasy birshama nasharlaıdy.
Al Rıdder, Semeı jáne Óskemen qalalarynda aýa sapasynyń ekinshi dárejeli lastaný qaýpi bar.
Qolaısyz meteorologııalyq jaǵdaılar - atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
