Búgin Qazaqstannyń 5 qalasynda aýa lastanady

ASTANA. QazAqparat – Búgin Qazaqstannyń 5 qalasynda jaısyz meteorologııalyq jaǵdaı qalyptasyp, aýa lastanady, dep habarlaıdy QazAqparat «Qazgıdromet» RMK-na silteme jasap.

«2023 jylǵy 10 qantarda qolaısyz meteorologııalyq jaǵdaılar Aqtóbe, Jezqazǵan, Balhash, Temirtaý, Qaraǵandy qalalarynda kútiledi»,-delingen habarlamada.

Qolaısyz meteorologııalyq jaǵdaı - atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.