Búgin Qazaqstannyń 4 qalasynda aýa sapasy nasharlaıdy
ASTANA. QazAqparat - 20 mamyr, jeksenbi kúngi meteorologııalyq jaǵdaılar Qazaqstannyń 4 qalasynda atmosferada lastaýshy zattardyń shoǵyrlanýyna yqpal etedi, dep habarlaıdy «QazAqparat» HAA «Qazgıdromet» RMK-ǵa silteme jasaı otyryp.
Sınoptıkterdiń málimetterine qaraǵanda, jaısyz meteorologııalyq jaǵdaılar Aqtaý, Atyraý, Qaraǵandy, Shymkent qalalarynda qalyptasýy múmkin.
Qostanaı qalasyndaǵy meteojaǵdaılar atmosferada aýany lastaıtyn zattardyń ydyraýyna yqpal etedi.
QMJ - atmosferalyq aýanyń betki qabatynda zııandy (lastaýshy) zattardyń jınalýyna yqpal etetin qysqamerzimdi meteorologııalyq faktorlardyń (tymyq, jeńil jel, tuman, ınversııa) úılesimi. QMJ jaǵdaıynda eldi mekenderdegi atmosferalyq aýanyń sapasy nasharlaýy múmkin.
Lastaný deńgeıiniń qalyptasýyn anyqtaıtyn mańyzdy faktorlardyń biri - sınoptıkalyq ahýalǵa (jel, jaýyn-shashyn, ylǵaldylyq, aýa temperatýrasy) jasalatyn boljam.
