Búgin Qazaqstannyń 2 qalasynda qolaısyz meteorologııalyq jaǵdaı qalyptasady
NUR-SULTAN. QazAqparat – Búgin Nur-Sultan men Atyraýda qolaısyz meteorologııalyq jaǵdaı qalyptasyp, aýa lastanady, dep habarlaıdy QazAqparat «Qaznıdromet» RMK-nyń málimetterine silteme jasap.
«2021 jylǵy 29 qazanda Atyraý jáne Nur-Sultan qalalarynda qolaısyz meteorologııalyq jaǵdaılar kútiledi»,-delingen habarlamada.
Qolaısyz meteorologııalyq jaǵdaılar - atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
