Búgin Qazaqstannyń 1-raketkalary Rybakına men Býblık týǵan kúnderin atap ótýde

ASTANA. QazAqparat – Búgin Qazaqstannyń birinshi raketkalary Elena Rybakına men Aleksandr Býblık týǵan kúnderin atap ótýde, dep habarlaıdy QazAqparat tilshisi.

E.Rybakınanyń 24, A.Býblıktiń 26 jasqa tolýyna oraı Qazaqstan tennıs federatsııasy áleýmettik jelilerdi elimizdiń kóshbasshy oıynshylaryn quttyqtady.

Sondaı-aq tennısshilerdiń týǵan kúnderine baılanysty jankúıerler men áleýmettik jeli qoldanýshylary tilekterin joldaýda.

Qazirgi tańda Elena Rybakına dúnıejúzilik reıtıngide úzdik úshtikti túıindese, Aleksandr Býblık 47-orynda tur.

Naǵyz der shaǵynda júrgen tennısshilerdiń óz kórsetkishterin jaqsartýy úshin múmkindikteri tolyq jetedi. Ol úshin aldaǵy Berlın, Ýımbldon sekildi iri jarystarda tabysty óner kórsetýleri kerek.