Búgin Qazaqstannyń 1 qalasynda qolaısyz meteorologııalyq jaǵdaı qalyptasady
NUR-SULTAN. QazAqparat – Búgin Aqtóbede qolaısyz meteorologııalyq jaǵdaı qalyptasyp, aýa sapasy nasharlaıdy, dep habarlaıdy QazAqparat «Qazgıdromet» RMK-na silteme jasap.
«2021 jylǵy 7 qazanda Aqtóbe qalasynda qolaısyz meteorologııalyq jaǵdaılar kútilýde»,-delingen habarlamada.
Qazaqstannyń ózge qalalaryndaǵy jaǵdaı qalypty.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
