Búgin qazaqstandyqtar «Kıvın - 2010» baıqaýynda ekinshi orynǵa ıe bolǵan «Astana.kz» komandasynyń oıynyn kóre alady

Bul týraly búgin Astanada ótken baspasóz máslıhatynda «Astana.kz» komandasynyń kapıtany Maksım Razýmkov málim etti.

Aǵymdaǵy jyly shildeniń 24-i kúni bolǵan «Kıvın - 2010» baıqaýynda qazaqstandyq «Astana.kz» komandasynyń óner joǵary baǵalanyp, qazylar alqasynyń sheshimimen olarǵa ekinshi orynnyń belgisi retinde «Úlken Kıvın» tabystaldy. «Astana.kz» komandasynyń músheleri atap kórsetkendeı, bul oıynǵa Aleksandr Maslıakov tóraǵalyq etti. Kóńildiler men tapqyrlardyń osy óner básekesinen keıin A.Maslıakov «Astana.kz» komandasyn budan bastap jastar quramasy emes, Qazaqstannyń ulttyq quramasy retinde tanystyratyndyǵyn málim etti. «Bul - «Astana.kz» komandasyna múshe óner maıtalmandaryna berilgen joǵary baǵa», - deıdi komanda músheleri.

Aıta keteıik, búgin «ORT» telearnasynan kórsetiletin «Golosıaşıı Kıvın - 2010» mýzykalyq festıvaliniń ýaqyty keshki saǵat 20:30-ǵa belgilenip otyr.