Búgin qazaqstandyq ІT-mamandar tuńǵysh ret kásibı merekesin atap ótýde
Astanada QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın osy aıtýly dataǵa arnalǵan saltanatty sharaǵa qatysyp, eńbegi sińgen sala mamandaryn marapattady. Saltanatty sharany quttyqtaý sózben ashqan mınıstr ІT mamandarynyń kásibı merekesi retindenege 10 qarasha tańdap alynǵanyna toqtaldy.
«Osynda otyrǵandardyń kóbin keıingi 15 jyldan beri tanımyn. 2004 jylǵy sol bir kún bárimizdińesimizde. Ol kezde men «Ulttyq aqparattyq tehnologııalar» aktsıonerlik qoǵamynda jumys istep júrgen edim. Degenmen alǵashqy qamdardyń qalaı jasalǵanyn bilemin. Qajetti qujattardy jazýǵa kimderdiń atsalysqanyn, ári qaraıkimder ilgeriletkenin, ol qujattyń Jarlyqqa aınalyp, aqparattyq qaýymdastyqtyń damýyna, elektroondyq úkimettiń qalyptasýyna, memlekettiń qaparattyq júıesiniń ornyǵýyna kimder sebepshi bolǵany bárimizdiń esimizde. Sol Jarlyqqa 2004 jyldyń 10 qarashasynda qol qoıylǵan edi. Osy datany Tsıfrlandyrý kúni etip belgiledik. Endi bul bizdiń mereke», - dedi vedomstvo basshysy.
Sondaı-aq ol tsıfrlandyrý salasy qazir búkil ekonomıkanyń draıverine aınalǵanyn atady.
«20 jyl boıy kóptegen basshylar, jumyskerler osy kúnniń qalyptasýy úshin qaltqysyz eńbek etti. Keıingi 20 jyl ishinde bizdiń mamandar tsıfrlandyrýdyń derbes sala retinde qalyptasqanyn, ekonomıkadaǵy búkil salalardyń draıveri ekenin dáleldep berdi», - dedi Baǵdat Mýsın.
Saltanatty shara aıasynda tsıfrlandyrý jáne aqparattyq tehnologııalar salasyndaeńbeketip júrgen ondaǵan maman «Úzdik tsıfrlandyrýshy» tósbelgisimen marapattaldy.
