Búgin Qazaqstanda JOO-larǵa túsetin talapkerlerdiń keshendi testileýi bastalady
ASTANA. 19 shilde. QazAqparat - Qazaqstanda 2012 jyldyń 19-23 shilde kúnderi aralyǵynda 37 bazalyq JOO-da talapkerlerdi keshendi testileý ótedi.
Bul týraly QR BǴM-niń baspasóz qyzmetinen habarlady.
2012 jyly talapkerlerdiń keshendi testileýine (TKT) 65 168 (2011 jyldan eki esege kóp - 27 193) adam qatysady
TKT-ny tapsyrýshylardyń sanynyń artýy alǵash ret testileýge mindetti túrde tehnıkalyq jáne kásiptik bilim berý mekemeleri túlekteriniń qatysýymen baılanysty. Aıta keteıik, burnaǵy jyldary olar JOO-larǵa testileýsiz túsip kelgen bolatyn.
Nıet bildirgender úshin synaq retinde aldyn ala testileýler ótkizildi. Ulttyq testileý ortalyǵy 900 myńnan astam suraq-kitapshalaryn jáne testileý pánderi boıynsha 200 myń ádisteme shyǵarǵan bolatyn.
«TjKB mekemeleriniń túlekterine arnalǵan testilik tapsyrmalar kolledjderdegi jalpy bilim berý pánderi boıynsha standarttarǵa sáıkes keledi», - deıdi mınıstrliktiń baspasóz qyzmeti.
QR BǴM TjKB mekemeleriniń úzdik túlekterine 2700 bilim grantyn bóldi.
16 shilde kúni mınıstr bazalyq joǵary oqý oryndarynyń rektorlarymen jáne jaýapty qyzmetkerlermen TKT-ǵa daıyndyq boıynsha selektorlyq keńes ótkizdi.
Barlyq bazalyq JOO-da apellıatsııalyq komıssııalar quryldy. Respýblıkalyq apellıatsııalyq komıssııa jumys isteıtin bolady.
