Búgin Qazaqstanda Sport kúni ótip jatyr
ASTANA. QazAqparat - «Qazaqstan Respýblıkasyndaǵy kásibı jáne ózge de merekeler týraly» QR Prezıdentiniń Jarlyǵyna saı, elimizde tamyzdyń úshinshi jeksenbisi búkilhalyqtyq Sport kúni retinde toılanady. Osy kásiptik merekege oraı Astana qalasynda búgin birqatar sporttyq jarystar ótedi.
Atap aıtsaq, búgin «Arýjan» oıyn-saýyq ortalyǵynda balalarǵa arnalǵan oıyn-saýyq sharalary uıymdastyrylyp, elorda turǵyndary arasynda sporttyq gımnastıka men armrestlıngten týrnırlar uıymdastyrylady. Sporttyq sharalar saǵat 16.00-den bastalady.
Keshe «Barys» sport kesheninde elorda turǵyndary men qonaqtary konkı teýip ári jýyrda ǵana ashylǵan keshenniń kórkin qyzyqtaǵan bolatyn. Tańǵy saǵat 10.00-den bastap osy keshenniń aldynda gir kóterýden, strıtbol men armrestlıng sport túrlerinen buqaralyq jarystar ótken.
Jalpy, bul merekelik kúnniń maqsaty - Qazaqstandaǵy buqaralyq sportty damytý. Qazaqstan buqaralyq sporttyń daý kórsetkishin 2020 jylǵa qaraı 30%-ǵa jetkizýi kerek. Al qazirgi stastıstıkaǵa súıensek, elimiz boıynsha buqaralyq sporttyń damý úlesi 25,1%-ǵa jetken. ıAǵnı, Qazaqstanda 4 mln. 300 myńnan asa adam turaqty dene shynyqtyrýǵa kóńil bólip, salaýatty ómir saltyn ustanady degen sóz. Qazaqstanda qazir úzdiksiz jumys istep turǵan 125 kásibı sport klýbyna 35 myń adam, sonyń ishinde eki myńǵa jýyq aýyl adamdary turaqty túrde baryp, dene shynyqtyrýǵa kóńil bólip júr.
