Búgin - Qazaqstanda nan kúni

NUR-SULTAN. QazAqparat - 2019 jylǵy qyrkúıekte Úkimettiń qaýlysymen Qazaqstan Respýblıkasynyń merekelik kúnderiniń tizbesine tolyqtyrý engizildi, soǵan sáıkes 16 qazan - nan kúni bolyp belgilendi, dep habarlaıdy QazAqparat tilshisi.

«Nan – halyqtyń eń mańyzdy jáne súıikti taǵamy. Barlyq halyqtarda nan erekshe qurmetke ıe jáne dastarhannyń máni men sáni. Al, Qazaqstan úshin nan eksporttyń negizgi bóligi» dep málim etti aýyl sharýashylyǵy mınıstrliginiń baspasóz qyzmeti.

Nan kúni – astyq jáne un ónimderiniń qurmetin arttyryp, qazaqstandyq dıqandardyń, un tartýshylar men naýbaıhanalardyń eńbegin eleý úshin arnaıy belgilendi.

2006 jyldan bastap 16 qazanda - Dúnıejúzilik nan kúni atalyp ótiledi.

Bul kúni kóptegen elderde nan ónimderiniń túrli kórmeleri, aspazshylardyń, naýbaıhanalardyń jáne kondıterlerdiń kezdesýleri, jármeńkeler, sheberlik synyptar, halyqtyq serýender, sondaı-aq barlyq muqtaj adamdarǵa nannyń tegin taratylýy, qaıyrymdylyq aktsııalary jáne taǵy basqa da is-sharalar uıymdastyrylady.

Jınalǵandar nan ónimderiniń ártúrli suryptary men túrlerin baǵalap qana qoımaı, sonymen qatar nannyń qalaı paıda bolǵanyn, onyń tarıhy men dástúrin, neden jasalǵanyn, qaı jerde óskenin, qalaı pisiriletinin kórip, tanysa alady.