Búgin Qazaqstanda kún raıy jaýyn-shashynsyz, aıazdy bolady
ASTANA. 20 qarasha. QazAqparat - QR Qorshaǵan ortany qorǵaý mınıstrligi «Qazgıdromet» RMK-niń boljamynsha, 20 qarasha kúni Qazaqstannyń basym bóligi antıtsıklonnyń yqpalynda bolady.
Aýa raıy jaýyn-shashynsyz, aıazdy bolady dep kútilýde, tek elimizdiń ońtústik, ońtústik-shyǵys jáne shyǵys aýmaqtary atmosferalyq aǵymdardyń yqpalynda bolady. Soǵan baılanysty burqasyn, kóktaıǵaq, kúshti jelder men tuman kútiledi.
Jambyl oblysynyń keı jerlerine tuman túsedi, 15-20 m/s jyldamdyqpen jel soǵady.
Kúndiz Soltústik Qazaqstan oblysynda jekelegen jerlerde 15-20 m/s jyldamdyqpen jel soǵady, túnde jáne tańerteń tumandy bolady.
Shyǵys Qazaqstan oblysynda keı jerlerde burqasyn kóterilip, 15-20 m/s jyldamdyqta jel turady.
Kúndiz Qostanaı oblysynda jeldiń ekpini 15-20 m/s-qa jetedi.
Ońtústik Qazaqstan oblysynda keı jerlerde tuman túsip, kóktaıǵaq bolady.
Aldaǵy 3 táýlikte eldiń soltústik, soltústik-shyǵys, ortalyq jáne shyǵys oblystaryndaǵy sýly nysandarda muz qatý úrdisi jalǵasady. Soǵan baılanysty shyǵystyń jekelegen ózenderinde sý deńgeıi kóterilýi múmkin.
Respýblıkanyń qalǵan aýmaqtaryndaǵy ózenderde sý betiniń salqyndaýy baıqalady. Ońtústik Qazaqstannyń qalǵan taýly ózenderinde jaýyn-shashynǵa baılanysty sýdyń deńgeıi artýy yqtımal.
