Búgin Qazaqstan Ulttyq telearnasynda «Áıel baqyty» atty jańa tok-shoýdyń tusaýy kesiledi
ASTANA. 9 qyrkúıek. QazAqparat - 9 qyrkúıekte Qazaqstan Ulttyq telearnasynda «Áıel baqyty» atty jańa tok-shoýdyń tusaýy kesiledi, dep habarlady «Qazaqstan» AQ» respýblıkalyq teleradıo kesheniniń baspasóz hatshysy Tanakóz Tolqynqyzy. Jańa jobada bir qolymen besikti, bir qolymen álemdi terbetetin áıelderdiń bedeli, otbasyndaǵy kúıi, áleýmettik jaǵdaıy, bala tárbıesindegi mańyzy, erli-zaıyptylardyń búgingi bolmysy qozǵalady. Kerekti keńes, ádemiliktiń qupııasy, sán jáne t.b. máseleler kóteriledi.
«Áıel baqyty» tikeleı efırde aptasyna 5 ret kórsetiledi. Bul baǵdarlamanyń ereksheligi - kórermender tikeleı efır kezinde jáne odan tys ýaqytta da óz sýaldaryn telefon nemese elektrondy pochta arqyly joldaı alady. Tok-shoýdyń tusaýkeser sany «Armanym adastyrmasa eken» dep atalady. Alǵashqy baǵdarlama jar tańdaýda jańylmaýdyń mańyzy jaıly bolmaq. Tok-shoýdyń júrgizýshileri - Láılá Sultanqyzy, Qaragóz Súleımenova jáne Áıgerim Esenáli.
9 qyrkúıekte saǵat 14.55-te «Qazaqstan» Ulttyq arnasynan «Áıel baqyty» atty tok-shoýdy tamashalap, tikeleı efırde suraq qoıýǵa shaqyramyz.
