Búgin Qazaqstan sportshylary Qazanda ótetin Búkilálemdik Ýnıversıadaǵa attanady
ASTANA. 3 shilde. QazAqparat - 2013 jylǵy 6-17 shilde aralyǵynda Tatarstan Respýblıkasynyń Qazan qalasynda XXVII Búkilálemdik jazǵy Ýnıversıada ótedi.
Atalǵan is-sharaǵa qatysý úshin búgin saǵat 17.00-de 100 adamnan turatyn Qazaqstan sportshylary Almaty áýejaıynan Qazan qalasyna ushady. Olar boks, kúres, dzıýdo, jeńil atletıka, sporttyq gımnastıka syndy sport túrlerinen el namysyn qorǵaıtyn bolady.
Osyǵan oraı, búgin sportshylardy QR BǴM vıtse-mınıstriniń, respýblıkalyq jastar uıymdary, BAQ jáne jastar ókilderiniń qatysýymen shyǵaryp salýdy uıymdastyrý josparlanyp otyr.
Shyǵaryp salý sharasyna qatysýshylar Memlekettik ánurandy oryndaıdy. Sonymen qatar olar Astana qalasynyń 15 jyldyǵy aıasynda Elbasyn jáne barlyq qazaqstandyqtardy elorda kúnimen quttyqtaýǵa múmkindik alady.
