Búgin - Qazaqstan Respýblıkasynda alkogoldi paıdalanýdan bas tartýdyń ulttyq kúni
ASTANA. 31 qazan. QazAqparat - Alkogoldi paıdalanýdan bas tartýdyń ulttyq kúni elimizde 2007 jyldan bastap atap ótilip keledi.
Іshimdikke salyný álemniń kóptegen elderinde, sonyń ishinde Qazaqstanda adamdy ólimge alyp keletin jáne eńbekke jaramdylyǵynan aıyratyn sebepterdiń biri bolyp tabylady. Alkogoldi paıdalaný januıada, jumysta problemaly jaǵdaılardy týyndatyp, qaıǵyly oqıǵalardyń, krımınaldyq tártiptiń, kisi óltirý men óz-ózine qol jumsaýdyń qaýpin arttyrady. Máselen, statıstıkalyq málimetterge súıensek, qasaqana jáne qasaqana emes dene jaraqattaryn salýdyń 40-60 paıyzy ishimdikti paıdalanýmen baılanysty. Barlyq aýrýlardyń 9 paıyzǵa jýyǵy alkogoldi paıdalanýdan órshıdi, ol baýyr tsırrozynyń, qaterli isiktiń keıbir túrleriniń, qan qysymynyń kóterilýi men ınsýlttiń, balalarda júrek aqaýlarynyń qaýpin arttyrady.
Dúnıejúzilik densaýlyq saqtaý uıymynyń málimetterine sáıkes, álemde ishimdikti asyra paıdalanýdyń saldarynan jyl saıyn 2,5 mıllıon adam kóz jumady. ıAǵnı bezgek aýrýynan baqılyq bolatyndardan 3 esege kóp.
Mamandardyń paıymynsha, halyq arasynda alkogolızmniń etek jaıýy baǵamen, ýaqytpen jáne satylym ornymen anyqtalatyn - ishimdiktiń qoljetimdiligimen baılanysty. Alkogolge qoljetimdilik pen ishimdikke salyný deńgeıiniń arasyndaǵy baılanysty statıstıka rastap otyr. Qazaqstan Respýblıkasy qalalaryndaǵy aşy sýdy satatyn dúkenderdiń ornalasý tyǵyzdyǵy qalanyń 210 turǵynyna shaqqanda 1 saýda núktesinen keledi.
